有種老闆娘｜陸詩韻入娛樂圈4年轉戰商界 做護膚品牌老闆發圍望45歲退休

香港開電視新節目《有種老闆娘》邀請多位職場女強人，分享事業心得及感情事，而周五（25日）一集邀請了2005年香港小姐亞軍陸詩韻（Sharon）擔任嘉賓。由選美出身，到轉型成為護膚品牌老闆娘的Sharon，自言上半場人生沒有規劃，參加選美只為圓夢，而2013年經歷生意和感情失敗，令她跌進低潮期，雖然大受挫折，卻令她重整思維，成就了今日的事業。

{{hket:inline-image name="879.jpeg"}}{{/hket:inline-image}}

同場加映：丘梓謙演蔥頭圓韓團夢無懼負評 與麥皓兒姊弟戀8年話題不斷

{{hket:ul-video id="5463"}}{{/hket:ul-video}}

Sharon在節目中自言生活規律，日出而作日入而息，被問到人生是否同樣有規劃？她坦言上半場人生毫無規劃，選美都是為圓夢：「求其參加選美，只為一圓心願，因為細個好鍾意同隔籬鄰舍玩選美，大個咗覺得有機會咪試下，跟住順理成章入娛樂圈，完全冇諗過要喺娛樂圈創一番事業，喺娛樂圈四年，屋企本身做製衣生意，之後爸爸叫我返去幫手，考慮咗幾個月，就返咗去，繼而之後自己首次創業開咗間貿易公司，發展自己生意。」

{{hket:inline-image name="979.jpeg"}}{{/hket:inline-image}}

直到2013年經歷人生低潮，就令Sharon變得更謹慎及充滿規劃，她謂：「第一次創業，奈何同拍檔誤會，發展唔好；2013、14年可以話係經歷人生最多失敗嘅年份，但如果冇呢兩年，我諗自己唔會醒覺到原來（自己嘅）思維咁唔成熟；當年嘅挫敗，令我覺得自己好垃圾，當時有好多唔好嘅報道，有段時間唔想面對任何朋友，只匿喺公司同屋企，自信心低到喺街行過，都覺得人哋係講緊自己。」

幸好Sharon得到家人的支持，令她可以在沉澱過後重新振作，成為今天的護膚品牌老闆娘，她表示：「有失敗嘅經歷係好事，每個經歷都學到嘢，如果我而家先跌倒，唔知仲會唔會有戰鬥力企番起身。」她更在去年獲選「2021大灣區傑出青年女企業家」奬。

在節目中，Sharon透露起初打算做珠寶生意，但有一天照鏡，發現自己沒有時裝觸覺，因而打消念頭，貪靚的她，注重肌膚保養，繼而啟發她開展護膚品生意，而問到她是否已定下45歲為退休目標，她笑說：「哈哈，係呀，唔係一定要成功先退休，45歲前不停咁跑，有啲攰，所以想45歲後享受人生。」

有種老闆娘│江芷妮15年前息影做美容院老闆 曬44歲少女肌原來已是兩孩之母【下一頁】